Deal - A gay love story

Deal - A gay love story Deal - A gay love story

Status: Finished

Genre: Gay and Lesbian

Details

Status: Finished

Genre: Gay and Lesbian

Summary

ye kahani ek prem kahani hai, mujhe nahi pata ki yeh prem kahani meri hai ya neeta aur anuraag ki. pyar main bahut takat hoti hai is baat ka mujhe ahsaas tab hua jab anuraag ne meri life main kadam rakha. is se pahle main sirf ye jaanta tha ki ye ek bahut hi khoobsoorat ahsaas hai par is ahsaas main takat bhi hai iska mujhe pata na tha. pyar ek bahut hi khubsoorat ahsaas hai aur insaan ko apni life main ek baar pyar jaroor karna chahiye, pyar insaan ko bahut achcha bana deta hai.......... Chapter-1 Neeta aur mannu ki mulakat hue. Mannu ek mann mauji kisam ka ladka tha aur neeta use seriously nahi leti thi. par ek ghatna ne neeta ke najariye ko badal kar rakh diya. aur fir ek naye ahsaas ne neeta ke jeevan main kadam failane shuru kiye. Aur woh ismein bahti chali gayi. Woh apne dil ke haathon majboor thi par ek woh tha ki use kuch farq hi nahi padta tha. woh bhi apna saara samay neeta ke saath hi bitata tha. har pal uska khyal rakhta tha, use kisi bhi preshani main dekhta toh pareshaan ho jata par woh abhi bhi pyar ke ahsaas se koson door tha.

Summary

ye kahani ek prem kahani hai, mujhe nahi pata ki yeh prem kahani meri hai ya neeta aur anuraag ki. pyar main bahut takat hoti hai is baat ka mujhe ahsaas tab hua jab anuraag ne meri life main kadam rakha. is se pahle main sirf ye jaanta tha ki ye ek bahut hi khoobsoorat ahsaas hai par is ahsaas main takat bhi hai iska mujhe pata na tha. pyar ek bahut hi khubsoorat ahsaas hai aur insaan ko apni life main ek baar pyar jaroor karna chahiye, pyar insaan ko bahut achcha bana deta hai..........


Chapter-1
Neeta aur mannu ki mulakat hue. Mannu ek mann mauji kisam ka ladka tha aur neeta use seriously nahi leti thi. par ek ghatna ne neeta ke najariye ko badal kar rakh diya. aur fir ek naye ahsaas ne neeta ke jeevan main kadam failane shuru kiye. Aur woh ismein bahti chali gayi. Woh apne dil ke haathon majboor thi par ek woh tha ki use kuch farq hi nahi padta tha. woh bhi apna saara samay neeta ke saath hi bitata tha. har pal uska khyal rakhta tha, use kisi bhi preshani main dekhta toh pareshaan ho jata par woh abhi bhi pyar ke ahsaas se koson door tha.

Chapter1 (v.1) - A Deal - Neeta and Anuraag

Author Chapter Note

ye kahani ek prem kahani hai, mujhe nahi pata ki yeh prem kahani meri hai ya neeta aur anuraag ki. pyar main bahut takat hoti hai is baat ka mujhe ahsaas tab hua jab anuraag ne meri life main kadam rakha. is se pahle main sirf ye jaanta tha ki ye ek bahut hi khoobsoorat ahsaas hai par is ahsaas main takat bhi hai iska mujhe pata na tha. pyar ek bahut hi khubsoorat ahsaas hai aur insaan ko apni life main ek baar pyar jaroor karna chahiye, pyar insaan ko bahut achcha bana deta hai..........

Chapter Content - ver.1

Submitted: March 03, 2012

Reads: 2171

A A A | A A A

Chapter Content - ver.1

Submitted: March 03, 2012

A A A

A A A

Main flight main baitha hua tha aur apne life ke beete hue dino ka ankalan kar raha tha ki maine kya khoya aur kya paya. Main issi udhed-bun main laga tha ki maine bahut kuch pakar ko diya hai ya bahut kuch khokar paya hai. Aaj main sab kuch lutakar ja raha hoon par jaate hue jab maine neetu, anurag aur chitra ki aankho main apne liye aanshu dekhe to iss baat ki viswas hua ki maine bahut kuch khokar paa liya. Ye kahani meri neete aur anuraag ki hai. Kahan se shuru karun, samajh main nahi aa raha.

Chalo yahin se shuru karta hoon main ek conference main gaya hua tha wahan maineNeeta ko dekha toh dekhta hi rah gaya. Use dekh kar apne purane din yaad aa gaye. Maine socha bhi nahi tha ki iss jindagi main fir kabhi Neeta se mulakat ho paayegi. Kitan dhundhne ki koshish ki thi maine use. Par woh toh aise gayab hui jaise ghadhe ke sar se singh. Kisi ke paas bhi toh uska address ya contact nahi tha.

Aaj main agar is conference main nahi aata toh shayad use mil nahi paata. Kabhi kabhi khuda kaise khel khelta hai iss baat ka hum andaja bhi nahi laga sakte. Mujhe aaj iss samay US main hona chahiye tha aur meri jagah Abhishek mere colleague ko yahan hona tha. Par last minute main boss ne hamaare tour badal diye aur mujhe apne saath is conference ko attend karne ke liye kaha. Aur is wajah se Abhishek iss samay US main baitha hai aur main yahan hoon. Par ab lagata hai jo hua achcha hi hua.thik hi kahte hai ki bhagwan jo kuch karta hai achche ke liye karta hai.

Hamari firm ek NGO ko fund karti hai aur iske badle main Yeh NGO hamare companies ke adds ko brochure ke saath chaap te hain aur apne har ek activity main ye show karta hai ki hum use support kar rahe hain. Iss wajah se hamari publicity bhi ho jati hai, hum social activity se bhi jude jaate hain, aur Income tax main rebate bhi mil jaati hai. Kul milakar iss saude main fayda hi fayda. Saal main ek baar yeh NGO apne sabhi funders ko bula kar apni activities ke baare main inform karti hai. Aur ye batati hai ki woh hamare paise ko kaise utilize kar rahi hai aur unke naye projects kya hain aur hum unki in naye projects main kaise madad kar sakte hain. Isske allawa hum apne kisi advertisement main kuch changes chahte hain toh hum unhe bata dete hain. Isske allawa hume iss NGO ke aur funders se judne ka mauka mil jata hai. Jiski wajah se kabhi kabhi kuch achche aur naye contacts mil jaate hai aur kabhi kabhi kuch business bhi mil jaata hai. NGO ki ye conference kariban ek week tak chalni hai. Kyonki main apni company main kaafi senior aur experienced hun isliye boss mujhe apne saath yahan laaye hain.

Conference ki shuruwat ek opening speech ke saath hui aur uske baad NGO ke director ne kaha ki unki ek colleague jisne isss conference ko organize kiya hai is program ke baare main aap sab ko brief karengi aur fir hum program ki shuruwat karenge. Iske baad unhone Neeta ko stage par bulaya. Hamari table podium ke kuch najdeek lagi thi. Isliye Neeta ki najar mujh par pad gayi. Aur program ki detail dete dete woh ek baar toh beech main ruk gayi. Fir kuch sambhli aur fir continue karne lagi

Neeta program ki shuruwat karke apni seat par jakar baith gayi. Neeta ne aaj bhi blue colour ki saadi pahni thi. Woh hamesha ki tarah bahut khubsoorat lag rahi thi. Us par neela rang bada khilta hai. Mujhe yaad hai maine use se kaha tha ki tum har apne important event par nila rang pahna karo tum iss colour main aur bhi jyada khubsoorat lagti ho. Aur tumhe apne har achche event par best lagna chahiye.
Main apni jagah baithe baithe Neeta ko dekh raha tha. Usne mujhe ek-aadh baar dekha aur fir najaren jhuka kar baith gayi. Who jab bhi meri ore dekhti toh main use hi dekh raha tha. Woh jara uncomfortable ho gayi. Fir uthkar wahan se chali gayi. Aur conference ke aur intjaam ko dekhne lagi.

Main use dekh kar Neeta se hui pahli mulakaat ke baare main sochne laga ki hum kaise mile aur fir kaise alag ho gaye.
Mera collage main pahla din tha. Jaise hi maine collage main enter kiya ek khubsoorat si dubli patli ladki gulab ka ek phool le kar mere paas aayi aur boli mera naam Neeta aggarwal hai. Woh group jo udhar khada hai meri raging kar raha hai. Mera task ye hai ki mujhe ye phool aap ko dena hai. Agar aap yeh phool le len toh woh mujhe relieve kar denge. Maine uske haatho se phool le liya. Mere phool ko haath main lete hi unhone mujhe isshare se apne paas bula liya.

Main us ke saath saath us group ke paas chal gaya. Wahan jaakar unhone mujh se poocha ki iss ladki ne tumhe kya kaha. Woh mujhe dekhne lagi, woh dari hui thi. Maine kaha ki iss ne mujhse kaha ki ye mujhse dosti karna chahti hai aur dosti ki shuruwat ke liye ye phool mujhe dena chahti hai. Neeta ye sunkar hairaan thi par woh khamosh rahi fir seniors ne mujhse kaha lekin ye toh hamari ore ishara kar ke kuch kah rahi thi. Maine kaha haan isne kaha ki wahan par hamaara ek group hai woh bhi tumse dosti karna chahega. Chalo main tumhe unse milwati hoon.

Seniors samjh gaye they ki main jhoot bol raha hoon kyon ki Neeta ne bahut koshish karne ke baad bhi unke kisi sawal ka jawab nahi diya tha. Thak harkar unhone uske saamne ye shart rakhi ki us gate se enter karne wale pahle ladke ko tum ye gulab de kar propose karogi toh hum tumhe chod denge. Warna saara din yahi khadi raho. Mere school ke kuch seniors isi collage man padte they unhone mujhe bataya tha ki woh kaise raging karte hain. Raging se bachne ka sabse achcha tarika hai jo woh kahen chup chap kar lo. Jo kar leta hai use chod diya jata hai aur jo na kare use hi ragda jata hai.
Main is hi guru mantra ko follow kar raha tha. Fir mere un seniors ne mujhe aa kar mere seniors se milwaya ki apna bachcha hai jara iska khyal rakhen. Unki wajah se meri apne seniors ke saath bade hi jaldi dosti ho gayi. Main pahle kuch dino tak toh class man gaya hi nahi mujhe ye bhi nahi pata tha ki mere class mates kaun hai. Main apne inhi doston ke saath gumta raha. Kariban ek week ke baad jab jara raging kam ho gayi toh main apni class main gaya.
Class main enter karte hi kya dekhta hoon. Sabse aage waali seat par Neeta baithi hai. Main seedhe uske paas gaya aur bola hi miss aggarwal usne mujhe hairaani se dekha aur boli hello aap yahan kaise. Maine kaha erre bhai main bhi isi class main hoon. Socha aaj class room ke darshan bhi kar len. Chalo achcha hai koi toh jaan pahchaan ka mila. Maine use poocha tum yahan baithti ho usne kaha haan kyon kaya hua. Nahi kuch nahi bhai hum toh back bencher hain. Itni aage baithunga toh sab kuch sar ke upar se nikal jaayega.
Peeche ki seats distance par hain wahan tak awaj jab travel kar ke pahunchti hai toh uski speed kam ho jaati hai aur fir seat height par hai toh sar ko paar nahi kar paati aur seedhe dimag se takra ti hai aur kuch toh takra kar reflect or refract ho jati hai par kuch ander bhi ghus jaati hai. Mere iss fande ko sunkar Neeta hansne lagi. Erre tumhe hansi aa rahi hai kabhi aajma kar dekho. Sab log hum dono ko dekh rahe they. Darasal Neeta kisie se bhi jyada baat nahi karti thi. Abhi tak gin chun kar ek do ladkiyaan hi uski achchi dost ban paai thi. Neetah bahut sundar thi isliye class ke kaafi saare ladke usko line maar rahe they aur us se dosti karne ki koshish kar rahe they.
Maine Neeta ko kaha kit um baitho main toh peeche jaa raha hoon. Main yahan baith kar apna nuksaan nahi karna chahta. Woh hansne lagi aur main peeche ki ore chal pada. Peeche jaate hue maine announce kiya hi friends my self Mannu Sharma aur main bhi aapki hi class main padta hoon. Peeche ki seat par ja kar baith gaya aur wahan ek-do ladkon se haath milate hue apne aap ko introduce karwaya aur unse unka naam poocha. Kuch hi der main lecturer pahunch gaya aur class shuru ho gayi.

Class khatam hui aur sab gappe lagane lage. Itne main ek ladke ne poocha ki yaar tum Neeta ko kaise jaante ho. Maine kaha erre hum toh childhood friend hain. Ek doosre ko bahut achche se aur bahut pahle se jaante hain. Agar woh ladka hoti toh kah deta ki hum langotia yaar hain. Meri iss baat ko sunkar sab hansne lage. Meri awaj us tak bhi pahunch gayi woh mudi usne mujhe dekha maine jhat se najaren jhuka li aur tirchi najar se use dekhne laga woh jara sa muskarai aur fir aage dekhne lagi.

Main fir class se gayab ho gaya main din main ek-do class hi attend karta aur fir gayab ho jata aur apne seniors ke saath ghumta rahta. Class main enter karne ke baad Neeta ko hi karta aur fir kuch ladko ke saath haath milakar peeche baith jaata. Jab bhi do classes ke beech mai gape hota toh gappe ladata. Sab meri baton ko enjoy karte they. Meri class main kafi lodkon aur ladkiyon se dosti ho gayi thi. Main class bahut bunk karta tha isliye ek din main Neeta se kaha ki ms aggarwal tum toh saari classes attend karti ho na usne kaha haan toh fir thik hai achche dhang se notes banao. Month end main, main le jaaoonga aur photo copy kar loonga. Bhai hamen bhi toh paas hona hai. Ab kahin aisa na ho ki saare numbers tumhe hi mil jaaye aur hamari baari aate aate numbers hi khatam ho jayen.
Woh hansne lagi aur boli fir class attend kyon nahi karte. Maine kaha nahi bhai humen bachpan se hi shikhaya hua hai ki roz roz ek jagah jaane si ijjat kam ho jaati hain. Isliye main beech beech main break le leta hoon.

Ek din ki baat hai, main class main aaya toh dekha ki Neeta kuch pareshan si hai, maine uski close friend richa se poocha ki kya hua iski shakal kyon uttri hui hai. Richa ne bataya ki ye kuch teen char dino se pareshan hai. Jis bus se ye ghar jaati hai us bus main kuch teen char ladke iske saath chad jaate hain aur kuch pareshaan kar rahe hain. Door se kuch comments kar dete hain aur iske aas paas khade ho jaaten hain. Kareeb aane ki koshish karte hain aur Bus ki break lagne par break lagne ka fayada uthane ki puri koshish karte hain. Jiski wajah se yeh awkward feel karti hai aur pareshan hai.
Main apni bike se collage se aaya karta tha. Us din maine apni bike collage main hi khadi ki aur jab ghar jaane ka time hua toh main Neeta se pahle nikal kar bus stop par pahunch gaya. Neeta bus main chadi toh woh ladke bhi bus main chad gaye. Maine dekha ki woh uske paas jaa rahe hain. Main teji se aage bada aur Neeta ke paas jakar khada ho gaya. Woh ladke bhi paas aakar khade ho gaye.

Ek ladke ne apna haath Neeta ke haath ke paas rakha toh maine apna haath beech main ghused diya. Doosre ladke ne aage se haath badaya toh maine apne doosre haath ko Neeta ke doosre haath kea aage rakh diya. Ab Neeta mere dono haathon ke beech main khadi thi. Aur main uske peeche khada tha. Neeta ne peeche mud kar dekha toh mujhe dekh kar hairaan rah gayi. Woh meri ore mud gayi ab hamaare chehre ek doosre ki ore they. Mujhe dekh kar ab uske chehre par muskaan aa gayi.

Bus ke break lagne par main apne haatho ko faila kar uske liye todi si jagah aur create kar leta aur use dono side se protect kar leta. Hum dono ko iss tarah dekh kar woh ladke jara peeche hat gaye. Neeta mujhe dekh rahi thi aur main idhar udhar ya bus ke bahar dekh raha tha. Kabhi kabhi jab hamaari najaren milti toh hum muskarane lagete. Neeta apne aapko kafi safe feel kar rahi thi. Kuch der main uske ghar ka bus stop aa gaya. Woh mujhe bye kah kar bus se uttar gayi. Main do stop tak aage aur gaya aur fir bus se uttar gaya.
Woh ladke mujhe notice kar rahe they par na unhone kuch kaha aur na maine kuch. Bus se uttar kar road cross kari aur seedhe collage pahuncha apni bike uthai aur seedhe ghar gaya. Agle din main bike le kar nahi aaya.

Agle din subah collage main Neeta se mulakaat hui. Humne ek doosre ko hi kaha aur kuch nahi bole. Maine kuch classes attend ki aur kuch bunk par jaise hi chutti ka samay hua main bus stop par pahunch gaya.
Mujhe bus stop par dekh kar Neeta bahut khus hui. Main uske saath fir se bus main chad gaya. Aur maine kal ki tarah hi apne dono bahoon ka ghera Neeta ke ird gird bana liya. Un ladkon ne bhi wahi bus pakdi jis se Neeta ghar jaati thi. Kyon ki woh us route ki ek do buses pahle chod chuke they.
Mera aur Neeta ka ghar ek hi route par tha par mera ghar pahle aata tha. Par main pahle use chod ta aur do stop ke baad uttar kar road cross karta aur fir doosri side se bus pakad kar ghar aa jata. Das dino tak maine aise hi karta raha.

Kariban ek week ke baad un ladko ne Neeta ka peecha karna chod diya. Unhe lag gaya ki iski setting pahle se hai aur iss par samay barbaad karke kuch fayda nahi hoga.
Neeta waise hi jyada nahi bolti thi. Fir bus main bolne ka toh sawal nahi hota tha par fir bhi woh halki fulki baat karne ke koshish karti main kam se kam shabdo main jwab deta. Jab un ladko ne uska peecha chod diya toh usne saari kahani rich ko sunai aur kaha ki pichle ek hafte se mannu mujhe ghar tak chod kar aata hai. Par use pata kaise chala. Richa ne kaha ki mane bataya tha. Iske baad Neeta ne mujhe thanks kaha. Maine use kaha ki agar pareshaan thi toh kya bol nahi sakti thi. Agar woh limit cross kar dete toh fir kya karti. Who chup chap sunti rahi, Aur kuch nahi boli.

Woh ab tak mujhe ek maskhare ki tarah samajhti thi par jis samajhdaari se maine iss situation ko handle kiya woh mujhe seriously lene lagi aur mujh se kaafi impressed thi. Richa ne Neeta se kaha ki mannu jaroor tere liye kuch feel karta hai warna koi kisi ke liye itna nahi karta. Neeta ne kaha nahi aisa kuch nahi hai. Neeta ab aksar mujhse baat karti thi aur hum achche dost ban ne lage they.

Ek din Neeta apni doston richa aur chaaru ke saath lunch kar rahi thi. Main class main aaya toh maine kaha kya special banakar laaye ho jo chup chap akele akele kha rahe ho aur kisi se pooch bhi nahi rahe. Neeta ne apna lunch box aage badate hue kaha aao tum bhi lo. Maine richa ke lunch box ki ore dekha fir chaaru ke lunch box par najar daudai aur fir Neeta ke lunch box se aadhi paronthi todi us par sabji daali aur fil roll karke khane laga. Bola yaar bahut tasty hai. Class main aur bhi ladke ladkiyan they. Woh meri is activity par hairaan they.

Main khate khate hue bahar nikal gaya aur kaha ki kal mere liye bhi lana warna bhooke rahna padega.
Agle din main fir gumte ghamte lunch time main class room main pahunch gaya woh teeno fir se lunch kar rahe they. Maine fir se chaaru aur richa ke lunch box par najar daali aur fir bola Neetutu apna lunch box dikha ismain kya hai aur fir ek parunthi nikal kar sabji bhari aur roll kar ke khane laga. Ab meri aksar ye aadat ban gayi main lunch ke dauran class main pahunch jata aur charu ke aur richa ke dabbo par najar daalne ke baad Neeta ke dabbe se roti nikal kar kha leta

Ek din toh chaaru chid kar boli, tujhe jab hamare dabbe se khana nahi hota toh hamared dabbo ko check kyon karta hai. Tujhe toh bas Neetuke dabbe se khana hota hai. Aisa kya hota hai use ke dabbe main. Maine kaha tumhne shayad dekha nahi woh kitne pyar se apna lunch box offer karti hai aur tum ho pahle hi soch leti ho ki bukkad aa gaya aur fir hum hansne lage. Jab ki woh dono bhi jaanti thi ki Neeta ke dibbe main meri liye ek paronthi hamesha extra hoti thi.

Hanste khelte samay kat raha tha. Mujhe yaad hai friendship day tha aur chaaru mujhse lad padi thi. Main collage pahuncha, Neeta se mila aur use kaha ki haath aage karo usne kaha ki kya hai bolo maine kaha kyon bharosa nahi hai. Usne jhat se haath aage bada diya. Maine uske haath par friendship band baandh diya. Charu boli kya kar rahe ho maine kaha rakhi baandh raha hoon. Dikh nahi raha friendship band baandh raha hoon. Toh chaaru ne haath aage badakar kaha ki fir hamen bhi baandho. Maine kaha yaar main toh sirf ek hi band laya tha.

Charu chid gayi aur jhagdne lagi maine kaha yaar, yaad nahi raha tumhaare liye agli baar laoonga. Ek baar sardiyon ki baat hai, Neeta kariban teen char dino tak collage nahi aai. Maine richa se poocha ki kya hua Neeta kyon nahi aa rahi hai. Toh usne bataya ki use viral hai aur abhi kuch dino tak aur nahi aayegi. Maine kaha fir kya soch rahe ho chalna hai use se milne. Chaaru boli kya thik rahega aise jaana, maine kaha ismain kya problem hai, tabiyat kharab hai toh milne pahunch gaye. Aur baat meri hai toh kah dena ki raasta naya tha isliye main saath aaya hoon aur fir mera route bhi toh ye hi hai.

Woh dono tyar ho gayi aur hum pahunch gaye uske ghar, uske ghar main uske mother ne darwaja khola uski mother ko namste kar hum ghar main enter kar gaye. Unhone Neeta ko bataya ki uske collage ke dost aayen hain. Neeta bahar aai haumen dekh kar surprise thi. Usne apne dada aur dadi se milwaya. Main unke pair chu kar kaha pairi pauna babuji, aur pairi pauna chaiji. Aur fir unke paas baithkar baaten karne laga. Maine kaha Neeta tum ander jakar aaram karo aur fir chaaru aur richa ko kaha ki use ander le jao. Main dada, dadi ke saath baithkar gappe maarta hoon.

Maine unhe baton baton main bataya ki main bhi najdeek main hi rahta hoon, ye dono Neeta se Milana chahti thi isliye main inhe le aaya. Ladkiyon ka mamla hai naya raasta hai akele bhi nahi choda ja sakta. Neeta ke dada, dadi mujhse khub baaten kar rahe they. Kariban aadhe ghante se jyada ho gaya fir chaaru ne aakar kaha ki chalo ab chalen. Maine kaha chalo jaame se pahle maine Neeta se kaha apna dhyan rakho, jaldi se thik hokar collage pahuncho. Padai ki chinta nahi karna, ye dono milkar tumhaare liye bhi notes bana rahi hain.

Jab aaogi toh le lena. Humne sab ko namste kaha aur fir collage ki liye nikal pade. Neeta ke dadaji bole bchahon aate raha karo. Apna hi ghar hai. Neeta kariban 15 dino tak collage nahi aai. Jab collage pahunchi toh maine saare notes richa ko de diya aur kaha ki Neeta ko de doon. Aur us se kuch nahi kahna. Richa ne us se sabse pahle wohi kaha jo nahi kahna tha. Boli ki pichle dino mannu ne saari classes attend ki aur tumhare liye notes banata raha. Ek bhi class miss nahi ki subah-subah pahunch jata tha aur shaam hone par hi nikalta tha.

Mujhe milne ke baad Neeta ne mujhe thanks kaha maine kaha kis liye. Fir richa ki ore dekh kar kaha ki dahi aur khichdi khaya karo stomach strong ho jayega kuch der tak toh baat rukegi pate main. Fir maine kaha ab bahut thak chukka hoon mujhe break chahiye. Pichle dino in dono ki company ne bahut paka diya. Saal bhar hone ko aaya tha, Neeta aksar mere saath hoti thi aur sabse jyada mujhse hi baaten karti thi ladkon ke naam par ek main hi uska dost tha. Baaki sab ke saath ke hi aur bye ke siway kuch nahi. Fir valentine day aaya, sab ko pur umeed thi ki main Neeta ko purpose karunga

Charu aur richa ne bhi uske dimag main ye baat daal di thi ki woh tumhe jaroor purpose karega. Tum ek doosre ke bina rah nahi paate, he cares for u, woh akela hai jo tumhe Neeta ki jagah Neetukahkar bulata hai. Lekin Neeta meri ek bahut achchi dost thi aur us se jyada kuch nahi. Maine use purpose nahi kiya. Neeta bhi shyad unki baton main aakar kuch expect karne lagi thi. Aur kuch ukdi-ukdi lag rahi thi. Hum sab class main baithe they aur valentine day ko discuss kar rahe they.

Chaaru ne mujhse poocha ki aaj kisi ko purpose karne wale ho ya nahi. Maine kaha paagal ho iss lafde main kaun pade. Abhi saari ki saari meri hain agar kisi ko purpose kar doonga toh baaki sab samjh jayengi ki ye toh khunte se bandh gaya aur fir koi ghaas bhi nahi daalega. Aur fir us ka kya bharosa jisko purpose kiya, usne bhi bhav khana shuru kar diya toh ya fir kahin usne bhi ghaas daalne ki jagah ghaas maangni shuru kar di toh na rahunga ghar ka aur na ghat ka. Isliye main aisa hi bhala changa hoon. Yeh baat sunkar Neeta jor jor se hansne lagi. Aur uske saath sab hansne lage, Neeta boli sirf ek hi piece ho iss duniya main.

Maine kaha kya yaar tum sabko meri baaten pata nahi kyon majaak lagti hain. Main toh bade hi seriously kah raha tha. Neeta boli yah toh baat hai kit um badi se badi baate bade hi serious hokar kahte ho. Mane kaha chalo jo marji samjho. Kam se kam iss bahane tumhaare chahre par hansi toh aayi main toh taras gaya tha tumhari smile ke liye. Maine toh soch liya tha ki 8-10 ladko ko kiraye par lata hoon ki aaj ke din woh tumhe rose dekar jara toh tumhara mood alter Karen. Par ab uski jaroorat nahi.

Richa boli chalo tum toh kisi ko purpose nahi kar rahe par socho koi aaj tumhe rose de toh tum kya karoge. Maine kaha ismain kya problem hai aaj ke din kisi ka bhi dil nahi todna chahiye. Tum meri baat maano toh tum bhi mera formula seekh lo aur fir dekho har situation ko tackle kar sakte ho. Sab bade dyan se sun ne lage. Maine kaha yaar tum toh sab serious ho gaye koi brahm gyan nahi de raha hoon. Choti si baat hai.
Dekho aaj ke din koi bhi kisi ko rose de sakta hai aur aisa possible nahi ki tum sab ko pasand karo isliye jo bhi tumhare paas rose le kar aaye, agar tumhe achcha lage toh rose le lo aur thanks kah do aur agar saamne wala pasand na ho toh bhi rose le lo aur use bhi thanks kah do. Sab poochne lage erre ye kya baat hui, maine kaha erre suno toh sahi agar saamne wala pasand na ho toh bhi rose le lo aur use bhi thanks kaho par thanks ke saath bhaiya jod do. Meri baat sunkar sab hansne lage.

Aise hanste hanste khelte kab teen saal gujar gaye pata hi nahi chala. Maine teen saalon main ek baar bhi valentine day ke din rose nahi diya par friendship day ke din friendship band bandhna nahi bhulta tha. Main aur Neeta apni har problem ek doosre se share karte they. Main toh kabhi kabhi use ye bhi batata tha ki mujhe kaun si ladki achchi lagti hai. Woh chup chap sun leti aur kuch na kahti. Ek baar chaaru aur richa ke kahne par Neeta kisi ladke se kuch jyada attention dene lagi ki main jealous feel karunga aur kuch react karoonga.

Maine uske ulat Neeta se poocha ki kya tum iss ladke ko pasand karti ho, agar tum chaho toh main us ke saath baat kar sakta hoon. Iss episode ke baad Neeta ne chaaru aur richa ki class le li aur kaha ki aaj ke baad mere dimag main aise koi bhi baat daali ya mujhe kuch bhi karne ko kaha toh tumhari shamat nahi.

Chaaru aur richa ne Neeta ko kaha ki thik hai aage se hum kuch nahi kahenge par tum jara apne dil ko tatolo aur fir soch kar hamen nahi khud ko batao ki tum mannu ke baare main kya sochti ho. Neeta ki aankho main aanshu aa gaye Neeta boli main kya karoon woh mujhe ek friend se jyada kuch aur samajhta hi nahi. Itne main, main wahan pahunch gaya maine poocha kya hua toh Neeta boli kuch nahi chaaru apni kisi dost ki kahani suna rahi thi. Bas usko sunkar aanshu aa gaye. Main Neeta ke paas baitha uske aanshu pahunche Neeta ko halke se apne gale lagaya aur bola ki tum bhi har baat ko dil se kyon laga leti ho. Fir main chaaru ko daante hue bola ki kya jaroorat thi ise aise kahani suna ne ki. Bechari ko rula diya. Chaaru kheej gayi use gussa aane laga aur boli hai bhagwaan kya karun main tum dono ka mujhe toh tumhari kahani hi samajh hi nahi aati.

Maine kaha kya kya kaha tumne, Neeta boli kuch nahi woh bas aise hi kuch badbada rahi hai chaaru ki aankhe bhi bheeg gayi. Main khada hua aur chaaru ko pakad kar laya aur use chup karate hue bola ki hey bhagwaan kya hoga in teen deviyon ka ab toh collage bhi khatm ho gaya ab kaun sambhalega inko main toh in teeno ke aanshu poonchte poonchte thak gaya. Neeta boli ab tum haamari chinta mat karo collage khatm hone do. Hum teeno tujh ko apni shakal bhi nahi dikhane wale bahut paka liya tune in teen saalon main ab toh peecha chutega hamaara. Aur fir hum sab hansne lage

Last exam ke din paper ke baad kaafi der tak collage main hi baithey rahe aur baaten karte rahe. Sab ek doosre ko good bye kah rahe they. Pata nahi kab aur kahan mile ab. Neeta baaki doston se mil rahi thi. Isi beech chaaru mere paas aai aur boli mannu tum se ek baat karni hai. Aaj nahi kah pai toh kabhi nahi kah paaongi. Maine kaha bolo tumhe kuch bhi kahne ke liye itni formality ki jaroorat kab se pad gayi. Chaaru ne kaha, ki tum jaan na nahi chahoge ki us din Neeta kyon ro rahi thi. Maine poocha kyon kya us din tumne mujhe sahi baat nahi batai thi.

Chaaru boli ki Neeta tum se bahut pyar karti hai aur us din usne apne pyar ki baat haamare saamne Kabul ki thi. Woh ye baat tumse kabhi nahi kah paayegi. Mujhe Neeta ne ye baat karne se mana kiya tha. Maine chaaru se kaha mujhe pata hai. Chaaru hairaan thi woh boli kya? Maine kaha haan tumhne thik suna. I know that. Chaaru boli fir, maine kaha fir kuch nahi, Neeta ek bahut achchi ladki hai lekin main uske layak nahi, woh mujhse bahut achcha ladka deserve karti hai.

Aur hamaara bhavishay ek saath nahi hai. Woh mere saath khus nahi rah paayegi aur main uski aankhon main aanshu nahi dekh paaoonga.Woh meri ek achchi dost hai. Maine iske aage kabhi nahi socha aur maine kabhi bhi use iss nigah se nahi dekha. Chaaru boli main samjhi nahi, agar aisi baat thi toh tumhne use kuch kaha kyon nahi. Maine kaha kya kahta ki main tumhe pyar nahi karta. Aur uska dil tod deta. Aur apni itni achchi dosti ko bhi khatam kar deta.
Maine kabhi bhi koi commitment nahi kiya main hamesha se tumko yeh kahta raha ki tum sab mere achche dost ho.

Aur apni dosti ka viswas hamesha dilate raha aur dosti ka farz bhi nibhata raha. Mere paas iss baat ka koi justification nahi hai ki main Neeta se pyar kyon nahi kar paya. Meri sirf ek galti hai ki main Neeta ko apne aap se pyar karne se rok nahi paya. Chaaru pyar ka kisi par bas nahi hai. Tum kisi ko na toh pyar karne ke liye majboor kar sakte ho aur na hi kisi ko pyar karne se mana kar sakte ho. Agar tum thande dimag se socho toh meri iss galti ke alawa koi aur galti nahi.
Meri baton sunkar chaaru ki aankhon main aanshu aa gaye. Woh boli sach bataoon toh main tumhe kabhi bhi samajh nahi pai.

Aur bhi aaj bhi nahi samaj pa rahi hoon. Par mujhe dukh hai Neeta ke liye. Haamri saari baaten shayad Neeta ne sun li. Woh kisi tarah apne aap ko sambhalti hui hamare paas aai aur boli kya hua. Tumhne meri sahli ko kyon rulaya. Maine kaha ki bichad rahen isliye iski aankho main aanshu aa gaye hain.


© Copyright 2018 Mannu Sharma. All rights reserved.

Chapters

Add Your Comments:

Other Content by Mannu Sharma

More Gay and Lesbian Books

Popular Tags